குழந்தைக்கு ஐந்து மாதங்கள் ஆனதும்..

by **Admin** Sat Nov 17, 2012 9:15 pm

இவை அனைத்தையும் நீங்கள் பின்பற்றுகிறீர்களா என சரி பார்த்துக்கொள்ளுங்கள் .

இப்போது தாய்ப்பால் தவிர்ந்த ஏனைய உணவுகளையும் குழந்தைக்குக்
கொடுக்கிறேன் .முதலில் நன்கு கடைந்தெடுத்த சோற்றுடன் எனது பாலுடன் சேர்த்து
ஊட்டினேன் . இதற்காக ஒரு கோப்பையையும் கரண்டியையும் பயன்படுத்தினேன் . 1/2
தேக்கரண்டியின் அளவை படிப்படியாக அதிகரித்தேன் .
அது மட்டுமன்றி நன்கு கனிந்த
வாழைப்பழம் ,வற்றகைப்பழம் ,பப்பாசி ,மாம்பழம் ,பட்டர் புரூட் போன்ற
பழங்களையும் ஒரு நாளைக்கு ஒரு தடவை நசித்து ஊட்டினேன் .
படிப்படியாக பருப்பையும்
,அவித்துப் பிசைந்த சாம்பல் வாழைக்காய் ,பூசணிக்காய்
,கரட்,வற்றாளைக்கிழங்கு முதலிய மரக்கறிகளையும் சேர்த்துக்கொண்டேன். ஒரு
நேரத்தில் ஒரு மரக்கறி மட்டுமே அறிமுகப்படுத்தப்படல் வேண்டும்.

1. [You must be registered and logged in to see this link.]

2. [You must be registered and logged in to see this link.]

3. [You must be registered and logged in to see this link.]

4. [You must be registered and logged in to see this link.]

5. [You must be registered and logged in to see this link.]

சமைக்கும் போது உணவில் சிறிதளவு தேங்காய்ப்பால் சேர்க்கிறேன் .அது
குழந்தைக்கு மேலதிக சக்தியையும் வாய்க்குச் சுவையையும் தருகிறது .அத்தோடு
பல விட்டமின்கள் (A,D,E,K) உறிஞ்சப்படுவதற்கு அது உதவும் என்று தெரியும் .
ஆரம்பத்தில் குழந்தை திண்ம
உணவுகளில் பிரியம் காட்டாமல் துப்பத் தொடங்கினாள். இது வழமையானது எனவும்
ஆறு மாதங்களின் பின் தன்னை பழக்கப்படுத்திக் கொள்வாள் என்பதும் எனக்கு
தெரியும் . இனிமையாக பேசியும் ,உற்ச்சாகப்படுத்தியும் அவளை சாப்பிட செய்வது
எனக்கும் குழந்தைக்கும் மகிழ்ச்சி அளிக்கும் அனுபவமாக இருந்தது .
இந்த பருவத்தின் போது சீனி உப்பு மற்றும் உறைப்பு போன்றவை குழந்தையின் உணவில் சேர்க்கப்பட கூடாது என்பதை நான் அறிந்திருக்கிறேன் .
சமைப்பதற்கு முன் எனது கைகளை
தண்ணீர் மற்றும் சவர்க்காரம் பாவித்து கழுவுகிறேன் . குழந்தைக்கு உணவூட்ட
முன் ,எனது கைகளையும் ,குழந்தையின் கைகளையும் கழுவுகிறேன் . மிக சிறந்த
சுகாதார ரீதியான சகல உணவுகளையும் சமைக்கிறேன் .
குழந்தை பிரியமாக இருக்கும் போது
மட்டுமே உணவு ஊட்டுகிறேன். வலுக்கட்டாயமாக ஒரு போதும் குழந்தைக்கு நான்
உணவூட்டுவதில்லை .குழந்தைக்கு உணவூட்டுவதற்காக வீட்டில் ஒரு தனியான இடத்தை
ஒதுக்கியுள்ளேன் . குழந்தையை தூக்கி வைத்துக்கொண்டு அல்லது ஓரிடத்தில்
உட்காரவைத்து உணவூட்டுகிறேன் . உணவூட்டும் போது உணவுகள் பற்றியும் அவற்றின்
சுவைகள் பற்றியும் குழந்தையுடன் பேசுகிறேன் .
உணவு உட்கொள்ளும் போது அவளை
முத்தமிட்டும் கட்டித்தழுவியும் உற்சாகப்படுத்துகிறேன் . குழந்தை உணவை
உட்கொண்ட பின் அவளுக்கு எனது பாலை ஊட்டுகிறேன் . உணவு வேளைகளுக்கு இடையில்
குழந்தை பால் கேட்கும் போதெல்லாம் எனது பாலை ஊட்டுகிறேன் .
குழந்தையின் மாதாந்த நிறை
அதிகரிப்பை குறித்து வைப்பது அத்தியாவசியமென்பதை குடும்ப நல உத்தியோகத்தர்
மூலம் தெரிந்துகொண்டேன் .எனவே அவளது வளர்ச்சி அட்டவணைக்கு எதிராக அதனை
சரிபார்த்துக் கொள்வதில் மிகக் கவனமாக இருக்கிறேன் .