1 வயது குழந்தைக்கு ஏற்ற உணவு

by **Admin** Fri Nov 16, 2012 9:59 am

சத்து மாவு தயரிப்பது எப்படி என்ரு பார்ப்போம்:

தேவையானவை:

புழுங்கலரிசி - 100 கிராம்,
புட்டரிசி - 100 கிராம்,
பொட்டுக்கடலை - 100 கிராம்,
உளுத்தம்பருப்பு - 100 கிராம்,
ஜவ்வரிசி - 50 கிராம்,
பாசிப்பயறு - 100 கிராம்,
கொள்ளு - 50 கிராம்,
ராகி - 200 கிராம்,
கம்பு - 100 கிராம்,
வெள்ளை சோளம் - 100 கிராம்,
மக்காச்சோளம் - 100 கிராம்,
வெள்ளை சோயா - 100 கிராம்,
பார்லி - 100 கிராம்,
பாதாம் - 50 கிராம்,
முந்திரி - 50 கிராம்,
வேர்க்கடலை - 100 கிராம்,
சம்பா கோதுமை - 200 கிராம்,
பாசிப்பருப்பு - 100 கிராம்,
ஏலக்காய் - 25 கிராம்.

[You must be registered and logged in to see this image.]

செய்முறை:
அரிசி, பொட்டுக்கடலை, ஜவ்வரிசி, பாதாம், முந்திரி,
பார்லி, வேர்க்கடலை, மக்காச்சோளம், ஏலக்காய் தவிர்த்து, மற்ற பொருள்கள்
எல்லாவற்றையும் ஒன்றாக ஊறவையுங்கள்.
மக்காச்சோளத்தை மட்டும் தனியே ஊறவையுங்கள். இரவு முழுவதும் தானியங்கள் ஊறவேண்டும்.
மறுநாள்
காலையில், தண்ணீரை வடித்துவிட்டு, தானியங்களை ஒரு துணியில் கட்டி
வைத்துவிடுங்கள். அன்று முழுதும் தானியங்கள் துணியிலேயே இருக்கட்டும்.
அவ்வப்போது
தண்ணீர் தெளித்துவிடுங்கள். அடுத்த நாள் (அதாவது, இரண்டாம் நாள்)
பிரித்தால், தானியங்களிலிருந்து நன்கு முளை வந்திருக்கும்.
அன்று
முழுவதும் நிழல் காய்ச்சலாக தானியங்களைக் காயவையுங்கள். நன்கு காய்ந்ததும்,
அவற்றை வெறும் வாணலியில் சிறிது சிறிதாக போட்டு, சிறு தீயில் வாசனை
வரும்வரை வறுத்தெடுங்கள். முதலில் ஊறவைக்காமல் தனியாக எடுத்துவைத்த அரிசி,
பொட்டுக்கடலை போன்ற பொருள்களையும் வறுத்து வையுங்கள். பார்லியை வறுக்க
வேண்டாம். வறுத்த பொருள்களோடு ஏலக்காய் கலந்து, மெஷினில் கொடுத்து நன்கு
அரைத்து வைத்துக்கொள்ளுங்கள் (சலிக்கத் தேவையில்லை). சத்துமாவு கஞ்சிக்கு,
இந்த மாவிலிருந்து ஒரு டேபிள் ஸ்பூன் எடுத்து, ஒரு கப் பாலில்
கட்டியில்லாமல் நன்கு கரைத்து, பனைவெல்லம் சேர்த்துக் காய்ச்சுங்கள்.
இரண்டு நிமிடங்கள் கொதித்துப் பொங்கியதும், ஆற்றிக் குழந்தைகளுக்குக்
கொடுங்கள்.

இது அதிக புரத சத்து உள்ளதால் குலந்தை வளர்ச்சிக்கு மிகவும் அவசியம்